უბნის ინსპექტორთა (ქვემო ქართლი) შესარჩევი კონკურსი წარმატებით გაიარეს დანართში აღნიშნულმა პირებმა.

შესარჩევ კონკურსში წარმატებით გასული პირები გასაუბრებას გაივლიან ორშაბათს 16 თებერვალს, 11:00 სთ-ზე, ქვემო ქართლის (რუსთავის) მთავარ სამმართველოში. 

უბნის ინსპექტორთა (ქ. თბილისი) შესარჩევ კონკურსში წარმატებით გასული პირებისთვის გასაუბრება ჩატარდება შსს აკადემიაში თანდართული განრიგის მიხედვით.

უბნის ინსპექტორთა (ქ. თბილისი) შესარჩევი კონკურსი წარმატებით გაიარეს დანართში აღნიშნულმა პირებმა.

2011 წლის 31 დეკემბერს შსს აკადემიაში კვების ახალი ობიექტი გაიხსნა, რომელიც 400-ზე მეტ ადამიანს, მათ შორის შსს აკადემიის მსმენელებს, პერსონალს და მასწავლებლის სახლის წარმომადგენლებს მოემსახურება.

30 დეკემბერს შსს აკადემიაში სსიპ შემოსავლების სამსახურის საგადასახადო პრევენციის დეპარტამენტის საგადასახადო ოფიცრების გადამზადების კურსის დახურვის ოფიციალური ცერემონია გაიმართა.

აღნიშნული კურსი 75-მა ოფიცერმა დაასრულა, მათ შორის 7-მა - წარჩინებით.

29 დეკემბერს, პოლიციის აკადემიაში დაცვის პოლიციის დეპარტამენტის 100-მდე თანამშრომელს სერთიფიკატები გადაეცა.

თანამშრომელთა გადამზადების მთავარი მიზანი მომხმარებლებთან ეფექტური კომუნიკაცია და მომსახურების ხარისხის გაუმჯობესება იყო. დაცვის პოლიციის თანამშრომლებმა პოლიციის აკადემიის ბაზაზე სპეციალური ტრენინგები ორი კვირის განმავლობაში გაიარეს.

2011 წლის 19 სექტემბრიდან შსს აკადემიაში დაიწყო საქართველოს ენერგეტიკისა და ბუნებრივი რესურსების სამინისტროს ბუნებრივი რესურსების სააგენტოს ტყის მართვის მომსახურეთა საბაზისო მომზადების კურსები. კურსი რამდენიმე ნაკადმა გაიარა. კურსი 204-მა პიროვნებამ დაასრულა, მათ შორის 5-მა წარმატებით.

2011 წლის 20 დეკემბერს შსს აკადემიას გაცნობითი ვიზიტით ჩინეთის დელეგაცია ეწვია. დელეგაციის წევრები ჩინეთის პოპულარული გაზეთის „ჟემინ ჟებაუს“ ხელმძღვანელი პირები იყვნენ.

2011 წლის 20 დეკემბერს შსს აკადემიაში საგზაო უსაფრთხოების თემაზე შეხვედრა გაიმართა.

ღონისძიება ჩატარდა საგზაო უსაფრთხოების სოციალური კამპანიის „საჭესთან ფხიზლად!“ ფარგლებში, რომელსაც ახორციელებს ორგანიზაცია „საქართველოს ალიანსი უსაფრთხო გზებისთვის“.